6~10集日本美食攻略(附地址、交通详情)

收藏:782

【街坊厨神重出江湖】由小仪同金刚主持嘅《街坊厨神》系列又返嚟啦,新一辑名为《街坊厨神 重出江湖》,除咗香港本土,仲远赴上海、日本觅食!上两辑就去过东京啦,今次嘅日本篇就去咗鸟取同姬路两个远啲嘅地方。一齐睇睇小仪有咩推介啦!

街坊厨神重出江湖 发掘日本美食

新一辑《街坊厨神》远赴日本鸟取、姬路食好嘢!小仪最难忘两地嘅边啲美食呢?

6~10集日本美食攻略(附地址、交通详情)
《街坊厨神重出江湖》将于下周一回归!
第6集:姬路01|天麸罗.鸭锅屋

令小仪非常难忘嘅鸭锅店就係佢啦!小仪回味无穷咁话:「鸭锅係以Shabu-Shabu形式咁食,每片鸭肉都切到好薄!而且店内会有张卡纸教你点食,肉就涮不过10秒、葱都係3秒左右就可以食。再沾少少酱汁,就已经好好味!保存咗鸭肉嘅鲜味!」用嚟蘸点嘅调味料非常简朴,令小仪都忍唔住感歎日本人竟然可以用咁简单嘅方法,就做出一份如此美味嘅料理。

6~10集日本美食攻略(附地址、交通详情)
Shabu-Shabu食猪、牛、羊、鸡肉就多啦,鸭肉你又食过未?

天麸罗.鸭锅屋鸭助姬路店

地址:姬路市鱼町100 柳川ビル1F

电话:050-5289-2055/079-283-5055

营业时间:6pm-2am(年中无休)

交通:各地铁线姬路站往北徒步8分钟。

02|骨付鸟本舗 鶏一

骨付鸟意即「带骨嘅鸡髀肉」,係日本嘅知名美食。对我哋嚟讲,听落同普通一只鸡髀冇咩分别,但其实喺日本,係甚少见到带骨嘅肉类出售。听闻骨付鸟非常juicy,係日本平民B级美食!去旅行万勿错过呀!

6~10集日本美食攻略(附地址、交通详情)
「鸡一」王牌menu,骨付鸟。
6~10集日本美食攻略(附地址、交通详情)
唔止骨付鸟,鸡锅都係佢哋嘅名菜嚟架!

骨付鸟本舗 鶏一姫路总本店

地址:姫路市駅前町306

电话:079-225-7875

营业时间:11:30am-3pm;5pm-11pm(年中无休)

交通:各地铁线姬路站往北みゆき通り(Miyuki Dori)徒步3分钟。

网址:toriichihimeji.owst.jp/

03|姬路 穴子料理 一张罗

穴子亦即星鳗,而呢间居酒屋式餐厅就係专售各种穴子料理,当中仲包括新鲜刺身!有网友话上菜时,甚至会见到刺身喺碟上轻微抽动!新鲜度爆登!餐厅位于姬路城同姬路站之间,最大嘅商店街御幸通嘅地下室,搵路时要仔细啲睇啦。

6~10集日本美食攻略(附地址、交通详情)
一张罗嘅穴子刺身鲜到甚至仲会微微郁动!

一张罗

地址:姬路市驿前町345みき正ビルB1F

电话:079-288-7714

营业时间:11:30am-2pm;5:30pm-10pm(逢星期一休息)

交通:由姬路站0番出口走到みゆき通り(Miyuki Dori),往北直行,走过2本筋就到。

网址:himeji-anago-iccyoura.com/

第7集:鸟取01|贺露港鲜鱼市场

鸟取係沿海城市,盛产海鲜,唔止够哂新鲜,而且仲有非常少见嘅飞鱼买!呢个鲜鱼市场同大家熟悉嘅筑地市场类同,都係可以喺市场内品嚐到新鲜鱼料理!即买即煮!

6~10集日本美食攻略(附地址、交通详情)
贺露港鲜鱼市场地图。
6~10集日本美食攻略(附地址、交通详情)
小仪见到飞鱼超级兴奋呀!

贺露港鲜鱼市场

地址:鸟取市贺露町西3丁目27-1

电话:0857-38-8866

营业时间:8am-5pm(年中无休)

交通:从鸟取站乘的士(约6.2km)或从鸟取站巴士总站乘日之丸巴士贺露线,并于「かにっこ馆前」(徒步1分钟),或「贺露海岸」(徒歩5分钟)下车。(车程约35分钟)

网址:karoichi.jp/

02|Abui蒲鉾(あぶい蒲鉾)

Abui蒲鉾係由明治23年(1890年)创立嘅老店,最出名嘅係鱼糕同飞鱼扒汉堡。鱼糕由製作至贩售都一手包办,保证用日本鱼新鲜製造。飞鱼扒汉堡亦曾于2015年鸟取汉堡节中获得第8位佳绩!

6~10集日本美食攻略(附地址、交通详情)
蒲鉾「名物」鱼糕。
6~10集日本美食攻略(附地址、交通详情)
蒲鉾飞鱼扒汉堡。
6~10集日本美食攻略(附地址、交通详情)
蒲鉾店舖外观。

あぶい蒲鉾

地址:东伯郡琴浦町八桥363-2

电话:0120-1089-52

营业时间:9am-6:30pm(逢星期三休息)

交通:到八桥站下车徒步。

网址:abuikamaboko.com/shop/

03|Grain(グレイン)

虽然呢间西餐厅主打东伯和牛,但另一样出名嘅美食,就係飞鱼扒咖喱饭!除咗和牛同飞鱼扒,亦都可以品嚐到生海胆意粉同蟹肉忌廉饼!可以试到唔少鸟取海产。

6~10集日本美食攻略(附地址、交通详情)
飞鱼扒咖喱饭係Grain嘅王牌menu之一!
6~10集日本美食攻略(附地址、交通详情)
Grain餐厅外观。

グレイン

地址:鸟取県东伯郡琴浦町八桥392-2

电话:0858-52-1211

营业时间:11am-3:30pm;5:30pm-9:30pm(逢星期三休息)

交通:到JR八桥站下车徒步约10分钟,或从八桥巴士站徒步约3~5分钟。

网址:kotoura-kankou.com/grain/

04|あじろや(Aziroya)

试完几种唔同嘅飞鱼料理,係时候试下其他海鲜啦!呢间位于观光游览船码头食堂内嘅Aziroya,就有视觉效果颇为冲击嘅「墨汁料理」!黑漆漆嘅咖喱饭同汤乌冬,其实係当地嘅B级美食!据说呢股墨汁香会令人上瘾,大家有缘就去挑战一下啦!

6~10集日本美食攻略(附地址、交通详情)
墨汁咖喱卖相非常冲击!但听闻味道会令人上瘾!
6~10集日本美食攻略(附地址、交通详情)
あじろや就处于码头内。

浦富海岸岛めぐり游覧船のりば食堂 お食事处 あじろや

地址:岩美郡岩美町大谷2182

电话:0857-73-1212

营业时间:11am-2pm(全年无休)

交通:由JR岩美站乘前往鸟取站的巴士约15分钟,在岛めぐり游覧船のりば前站下车。

网址:yourun1000.com/pages/ajiroya

05|大榎庵(oneokian)

传说中嘅「粉红宴」!呢间咖喱店嘅噱头係「粉红色」,由咖喱汁开始,到豉油、wasabi通通都係粉红色!店内装修复古,集西洋式同和式风格于一身,甚具特色。如想品嚐粉红咖喱嘅话,记得留意呢款咖喱只会于Lunch时段(下午3点前)提供㗎咋!

6~10集日本美食攻略(附地址、交通详情)
「粉红咖喱」卖相嘅冲击度同墨汁咖喱不相上下!

佢哋一行人都好困惑,心谂呢碟「粉红咖喱」莫非係用士多啤梨嚟整嘅?原来,粉红色咖喱汁係由红菜头整成嘅。即使係用另一种材料製成,但其实都有好好保持到食品嘅味道,咖喱有咖喱味、豉油都係平时嘅豉油味,小仪话个「粉红咖喱」仲辣辣地!

6~10集日本美食攻略(附地址、交通详情)
粉红色咖喱汁原来係由红菜头整成嘅。

除咗个食物set係全粉红色,店主仲请咗个漫画家,嚟帮舖头度身订造咗个故事!店内仲可以借宫廷衫嚟着,大玩cosplay!

6~10集日本美食攻略(附地址、交通详情)
粉红咖喱再加一个宫廷漫画故事,十足十《凡尔赛玫瑰》咁!
6~10集日本美食攻略(附地址、交通详情)
大榎庵店舖外观。

大榎庵

地址:鸟取市大榎町3-3

电话:0857-30-4891

营业时间:11am-9pm(全年无休)

交通:从鸟取县厅徒步约2分钟。

网址:allure-ba.com/oenoki/

第8集:姬路01|大亀山

由退役相扑手主理嘅相扑力士料理。讲得係相扑料理,又点可唔唔提「相扑火锅」!份量大到一般人嘅话可能要4~5个人先食得哂!唔使担心,怕食唔哂嘅话其实可以叫一般大小嚟食,咁就唔使怕浪费之余,可以一嚐相扑手嘅美食啦!

6~10集日本美食攻略(附地址、交通详情)
呢间相扑料理店係由退役相扑手营运,自然可以品嚐到最正宗「相扑火锅」啦!
6~10集日本美食攻略(附地址、交通详情)
骤眼睇都起码要4-5个人先食得完,劲大份!

力士料理 大亀山

地址:姫路市三左卫门堀西の町141

电话:050-5280-2523/079-285-1143

营业时间:5pm-11pm(逢星期一休息)

交通:从JR姬路站中央口往南方向徒步约10分钟。

02|タコピア(TAKOPIA)

明石烧係类似于关西地区甚具代表性嘅小食,章鱼小丸子。两者分别在于,明石烧喺原料中加入咗更多鸡蛋,口感比章鱼小丸子更绵密。而且明石烧係会淋上汤汁,而非酱料。当地人之间会称明石烧为「鸡蛋烧」。

6~10集日本美食攻略(附地址、交通详情)
明石烧店タコピア外观。
6~10集日本美食攻略(附地址、交通详情)
明石烧又称为鸡蛋烧,同章鱼小丸子係有分别架!

タコピア

地址:姫路市駅前町363番1

电话:079-221-3657

营业时间:9am-5pm(全年无休)

交通:从姬路站徒步约1分钟。

网址:himeji-festa.com/shop/takopia

03|梦や 大众居酒屋

日本常见嘅居酒屋,有五花八门嘅佐酒小菜,例如关东煮、烟肉露笋等。而且店家对日本酒非常讲究,有日本清酒、烧酒等等选择。旅行玩到夜一夜、玩到攰,不妨到居酒屋小酌一杯!但千万谨记日本饮酒嘅合法年龄係20岁!未成年就唔好以身试法啦!

6~10集日本美食攻略(附地址、交通详情)
果然係居酒屋,门口设计已经风味十足!
6~10集日本美食攻略(附地址、交通详情)
居酒屋最特别嘅地方就係佐酒小菜嘅款式甚多,有排试!

梦や 大众居酒屋

地址:姫路市駅前町301

电话:050-5570-2608

营业时间:10am-10pm(全年无休)

交通:从JR山阳本线姬路站中央改札向北走徒步约3分钟。

04|好古园 茶室 双树庵

茶室双树庵设计以江户时代嘅武家屋敷茶室为蓝图,而且每间茶室都设计成面向姬路城天守阁!想感受一下日本传统庭园风貌,细细品嚐抹茶同和菓子嘅话,呢度係一个绝好嘅环境!

6~10集日本美食攻略(附地址、交通详情)
想细细品嚐抹茶同和菓子嘅话,呢度係一个绝好嘅环境!
6~10集日本美食攻略(附地址、交通详情)
日式庭园风貌令人心旷神怡,坐阵休息下再出发!

好古园 茶室 双树庵

地址:姬路市本町68

电话:079-289-4121

营业时间:10am-4pm(21/12~5/1休息)

交通:从JR姬路站北口乘神姬巴士,到「姬路城大手门前」下车,徒步约5分钟。

网址:himeji-machishin.jp/ryokka/kokoen/index.php

05|杵屋

杵屋最出名嘅美食就係名为「书写千年杉」嘅年轮蛋糕。年轮蛋糕最重要就係麵糊嘅质感,而杵屋嘅蛋糕麵糊每日都会有「专任」职人细心烤焗,因此有着漂润又鬆软嘅口感,适度嘅份量感会令你食到停唔到口!

6~10集日本美食攻略(附地址、交通详情)
杵屋名物「书写千年杉」年轮蛋糕。
6~10集日本美食攻略(附地址、交通详情)
做手信都係一流选择!

杵屋

地址:姫路市二阶町95

电话:079-285-3509(本店)/079-267-2333(预约体验教室)

营业时间:8am-7pm(1/1-2/1休息)/体验教室(1pm/3pm)(约40分钟)

交通:各线姬路站徒步约7分钟。

网址:kineya.net/

第9集:鸟取01|泊渔港

嚟到沿海嘅鸟取,又点可以唔出海呢!喺为数唔多嘅渔港中,泊渔港有着最优胜嘅地理环境!既可以品嚐到即捕即烤嚟食嘅新鲜海鲜,亦可以同超nice嘅渔师太太倾下计!

6~10集日本美食攻略(附地址、交通详情)
出海捕获海鲜后,仲可以即烤即食,鲜味十足!
6~10集日本美食攻略(附地址、交通详情)
坐埋喺海边慢慢品嚐更具风味!

汤梨浜町 泊渔港

地址:东伯郡汤梨浜町泊

电话:0858-35-4052(可向观光协会查询)

营业时间:11:30am-1pm(仅限4月~11月中旬)(其他时间需再议)

交通:乘JR到仓吉站下车,再转乘的士,车程约10分钟。

网址:yurihama-kankou.jp/

02|昭和民宿 龙神庄

龙神庄係一间真係营运紧嘅民宿,唔少客房都係望海㗎!点解连民宿都关事?其实係因为呢间民宿嘅老闆係非常锺意煮嘢食同好好客!唔止欢迎预约大大小小嘅聚会,仲会有便当出售。而最令人回味无穷嘅,就係汁煮鲷鱼同劲新鲜嘅刺身!

6~10集日本美食攻略(附地址、交通详情)
龙神庄係一间真係营运紧嘅民宿,而且唔少客房都係望海㗎!
6~10集日本美食攻略(附地址、交通详情)
最令人回味无穷嘅,就係汁煮鲷鱼同劲新鲜嘅刺身!

昭和民宿 龙神庄

地址:岩美郡岩美町大羽尾274-1

电话:0857-72-0286/090-5672-9345

营业时间:全年无休,电话查询服务:10am-6pm

交通:从鸟取站乘上山阴本线【滨坂行】电车,于【东滨站】下车,再徒步25分钟。

※已预约嘅客人可享有送迎至JR东滨站服务。

网址:ryujinsou.com/index.html

第10集:鸟取01|大江ノ郷自然牧场

牧场最出名嘅係名为「天美卵」嘅鸡蛋,因为鸡只都係放养、饲料讲究,所以「天美卵」嘅营养值非常高!而且每日出货嘅鸡蛋都係同一朝早採集返嚟嘅,鲜度满分!用「天美卵」整嘅料理就自然份外美味啦!

6~10集日本美食攻略(附地址、交通详情)
pancake係牧场其中一款超受欢迎menu!
6~10集日本美食攻略(附地址、交通详情)
识食梗係食生鸡蛋拌饭!咁先可以最大限度食出鸡蛋鲜味!
6~10集日本美食攻略(附地址、交通详情)
大江ノ郷自然牧场外观。

大江ノ郷自然牧场

地址:鸟取県八头町桥本877

电话:0120-505-606

营业时间:10am-6pm(全年无休)

交通:从鸟取站乘JR因美线(大原或智头方向),到郡家站下车,再转乘「さんさんバス」(大江仓库行)巴士,到「大江ノ郷自然牧场」下车。

网址:oenosato.com/index.html

02|炭蔵

日本之行又点少得烧肉呢!喺第11回全国和牛能力共进会,鸟取和牛获得咗全国第一!炭蔵仲以一个低价就能食到和牛稀少部位!厚切和牛都只係980円(约$70)!

6~10集日本美食攻略(附地址、交通详情)
炭蔵以一个低价就能食到和牛稀少部位!
6~10集日本美食攻略(附地址、交通详情)
炭蔵外观。

炭火焼肉 炭蔵

地址:鸟取市古海618-1

电话:0857-30-7029

营业时间:11:30am-2pm;5pm-12am(全年无休)

交通:从鸟取站驾车约3分钟。

网址:yakiniku-sumikura.com/about

03|海阳亭

除咗精緻嘅料理,店家对于用餐环境都非常讲究,极力营造日式Resort感嘅空间,令客人可以喺一个舒适嘅空间品嚐鲜甜味美嘅海鲜料理。必试松叶蟹、鲭鱼刺身、陶板烧生蚝!

6~10集日本美食攻略(附地址、交通详情)
必试款式仲有鱿鱼刺身!
6~10集日本美食攻略(附地址、交通详情)
汁烧鲭鱼。

除咗飞鱼,小仪仲食咗蚝!摄製队一行人去食新鲜蚝,分有大、中、细3个size大小畀佢哋拣。结果发现,原来最大嘅未必係最好食!反而中size就最滋味。

6~10集日本美食攻略(附地址、交通详情)
小仪一行人发现,原来中size嘅蚝係最好食!

 

6~10集日本美食攻略(附地址、交通详情)
いけす料理 海阳亭外观。

いけす料理 海阳亭

地址:鸟取市贺露町西3丁目27-1

电话:0857-31-4649

营业时间:11am-2pm;5pm-9pm(全年无休)

交通:从鸟取大学前站徒步约10分钟。

网址:ginrin-grp.com/ginrin/index.html

04|炭火焼ジュジュアン

呢间烧肉店标榜「地产地消」,意即「本地生产,本地消耗」,既可品嚐到由鸟取本土海港鱼穫即烤嘅新鲜鱼,更可食到鸟取和牛嘅高品质肉,仲有一早採摘而来嘅蔬菜同有机米。

6~10集日本美食攻略(附地址、交通详情)
烧肉店里可以食到鸟取和牛嘅高品质肉,仲有一早採摘而来嘅蔬菜!
6~10集日本美食攻略(附地址、交通详情)
肉嘅部位种类丰富,包你越食越滋味!
6~10集日本美食攻略(附地址、交通详情)
炭火焼ジュジュアン外观。

炭火焼ジュジュアン

地址:鸟取市末広温泉町751

电话:0857-21-1919

营业时间:5pm-12am(不定休)

交通:从鸟取站徒步约5分钟。

网址:sumibi-jujuan.info/#top

番外篇

不得不提嘅仲有鸟取名物,荞头。小仪就话平时自己喺香港,其实唔食荞头,但鸟取嘅蒿头食到完全停唔到!有别于一般用糖醋腌製嘅做法,鸟取荞头会用上紫苏、梨等等一同腌製,好味到忍唔住买咗一大堆返香港做手信!

6~10集日本美食攻略(附地址、交通详情)
鸟取荞头有多种口味,难怪小仪食过返寻味!